竞彩篮球：“林”——可否再疯狂一番

标签：赛事前瞻

    炎炎夏日嘅周末，内心涌动多时嘅篮球迷应该都系选择留喺室内睇波或者进行其他活动，等太阳落山再登场一展身手。距离男篮世界杯开打仲有成二十日，而NBA更加不洗讲仲要等待漫长嘅两个几月，既然系咁，最近有乜好睇？今日(8月10号)咁啱有场“星光熠熠”嘅赛事——“林书豪明星赛”。老实讲，呢场比赛主要系娱乐同慈善性质，皆因参赛选手绝大部分都系演艺界嘅明星，篮球水准实属业余；讲开又讲，呢场大龙凤嘅男一号——林书豪，其今时今日嘅遭遇令人感到唏嘘。

     不知不觉2012年已经过去7年半时间，新秀二年级嘅林书豪辗转过勇士同发展联盟，正当处于被淘汰嘅边缘，呢位被勇士选中嘅哈佛高材生终于喺尼克斯爆发出惊人能量，绝杀猛龙、喺科比面前攞38分等一系列嘅代表作早已刻录喺观众嘅记忆其中，“林疯狂”因此诞生。呢三个中文字不单止代表着林书豪喺呢段时间嘅表现有几咁震撼人心，更深层嘅意义在于诠释紧从昏暗到黎明、一个涅槃重生嘅过程。

     打出名堂之后，林书豪离开尼克斯，但其后至今佢嘅表现好似一直都系“半桶水”，火箭、湖人、黄蜂、篮网、老鹰，每去一个新地方，球迷总会对佢产生新嘅幻想：到底有打不打得翻巅峰水准？背靠大球市有无机会入全明星咧？重建期嘅球队需要呢位经验丰富嘅后卫担大旗喔......再善战嘅斗士都抵抗不到岁月嘅侵蚀，再健硕嘅勇者避免不到伤病嘅来袭，或者呢啲就系林书豪突破不到樽颈嘅原因吧。

     从今年我哋所见证到嘅嚟睇，不难推测林书豪今时今日内心依然百感交集，二月份加盟猛龙顺势喺六月份随队夺得历史性意义嘅总冠军，作为球迷我哋系衷心祝贺，继巴特尔同孙悦之后又一位黄种人企上篮球范畴最高水准层面嘅领奖台。但谂深一层难听啲讲句：佢好似无份出力喔。的确，我哋满怀期待佢系罗利身后嘅男人，无奈历克纽斯眼入面只有云维利特，最终完美嘅结局难免令林书豪处境仲加尴尬，也导致咗佢今夏喺自由球员市场无人问津。平心而论，林书豪应该都摆脱咗前几年嘅大伤困扰，佢绝对有能力担当起NBA球队嘅常规轮换角色；但常言道长江后浪推前浪，联盟每年都有大量新人入行，后生嘅、运动力爆炸嘅、投篮更精准嘅大有人在，林书豪年过而立相同佢哋竞争，睇怕经验系唯一优势。

     上个月底，林书豪嚟到中国参加分享会，谈到自己境遇时佢竟然忍不住留下英雄泪，场面实在惹人歎息。就笔者角度嚟睇，一个黄种人能够喺NBA立足本身已经不容易，若然能认知“本来无一物何处惹尘埃”嘅道理，林书豪或者会睇开啲，毕竟当年都系从无到有，既然宜家返到原点，不妨接受现实忘记前尘，心境自然会舒畅，何必执着于苦苦追求喺NBA重新上岗嘅机会咧？拒绝咗欧洲联赛，不紧要，CBA表达出无任欢迎嘅态度。船到桥头自然直，话不定好快揾翻当打水准，到时中国赛场就成为重返乌托邦嘅桥梁囖。

[投注竞彩篮球] [没账户？马上注册] 分享到：