竞彩足球：英超乐章余音嫋嫋

    再美妙嘅乐章，都总有曲终人散嘅一刻；再激烈嘅赛事，也都总会迎嚟一声哨响嘅来临。喺经历成个赛季嘅高潮起伏之后，堪称史上最强嘅2018-19赛季英超终迎大结局。

    瓜迪奥拉带领嘅曼城最终排除万难喺本赛季成功卫冕，但喺呢个冠军嘅背后，却系曼城同史上留名嘅最强追赶者利物浦纵横成个赛季嘅争夺血汗史。利物浦本赛季有几强？佢哋最终喺本赛季英超攞到97分，呢个积分不仅系英超历史第三高积分，同时也都系欧洲五大联赛历史上最强亚军，打破咗西甲豪门皇马喺2009-10赛季缔造嘅“96分亚军”此等接近不可能复制之纪录。成个赛季落嚟，利物浦喺联赛中仅取得一败(30胜7平1负)，如此高光嘅表现却最终不能换嚟一座英超锦标，令人产生既生瑜何生亮嘅感歎。

     当然，能够喺如此强横嘅利物浦手中夺走联赛冠军宝座，曼城嘅表现肯定值得大家脱帽致敬。尤其喺季尾被利物浦追到气都咳嘅情况下，曼城最终用一波14连胜将冠军宝座牢牢握在手中，而过去两个赛季合共取得198个联赛积分也充分证明曼城如今嘅统治力。不过能够将曼城调教成为如今英超嘅鬼见愁，西班牙教练瓜迪奥拉绝对系居功至伟。喺佢嘅带领下，曼城如今踢法鲜明，从过往巴萨嘅tikitaka踢法到如今因地制宜更加追求效率嘅攻防体系，瓜迪奥拉用自己对于足球呢项运动嘅理解及不断学习，为曼城谱下咗一段段美妙嘅乐章。佢不单止成为继费Sir及穆里尼奥(JoseMourinho)之后，第三位喺英超成功卫冕嘅教练，同时更加毫无疑问正逐渐成为曼城嘅教父。

     英超一向被誉为世界上竞争最为激烈嘅联赛，但如今如果话英超系最强嘅联赛相信都无太多异议。睇返本赛季欧冠同欧霸，两项足坛盛事嘅决赛席位竟然被4支英超球队(欧冠为托特纳姆热刺对阵利物浦、欧霸为切尔西对阵阿森纳)包办，甚至令到外界笑称好似睇紧英格兰足总杯同英格兰联赛杯决赛嘅感觉。全季英超落嚟，20支球队总共奉献咗1067个进球，呢个数字既创造咗英超改为38轮后嘅进球纪录，同时也再一次证明咗本赛季嘅伟大。

     BigSeasonBigGames，令人难忘嘅2018-19赛季英超最终以曼城成功卫冕而完满收场，本赛季英超注定余音嫋嫋。而从2018年走到2019年，英超场内外每一个精彩嘅瞬间都时刻陪伴住大家，纵然本季乐章终迎最后一个音符，但相信一首更美妙嘅2019-20英超乐章已经准备好演奏。