竞彩足球：哥氏曼城警报四起
2017-03-17 01:52:54 来源：500彩票网 责编：fenxi 点击：
随住曼城喺本届欧冠杯十六强被法甲劲旅摩纳哥恭送回家后，球队如今仅余英超及英格兰足总杯两项锦标可供争夺。但喺英超冠军已经基本属于切尔西囊中物嘅情况下，就算站上足总杯之巅也恐怕无法令到曼城酋长班主满意。而曾经一度被外界寄予厚望嘅瓜迪奥拉也好似神奇不再，令人歎息。
作为同时期欧冠带队战绩最出色嘅教练，瓜迪奥拉喺自己执教生涯嘅第一百场欧冠赛事其中却只能够品尝到摩纳哥带嚟嘅痛苦。与此同时，欧冠杯十六强次回合嘅呢场失利也令瓜迪奥拉在执教生涯首次不能带队杀入四分之一决赛。一连串尴尬纪录嘅背后其实隐藏咗曼城班底嘅潜在问题，虽然看似粒粒皆星，但好明显成班波要想将瓜迪奥拉传控至上嘅战术打法融会贯通也尚需时日。另外防线不稳嘅问题也喺同摩纳哥两回合赛事中被无限放大，临急抱佛脚嘅门将卡巴尼路明显未够班，右后卫萨尼亚也已过巅峰，更加令曼城球迷伤心嘅就系重金来投嘅中卫史东斯简直水货味道十足。而且就算系中前场，一旦射手阿奎罗遗失射门鞋，曼城也始终揾不到人可以担起入波重任。喺上年夏天大开水喉嘅情况下，曼城如今阵容却依旧问题多多，可以讲瓜迪奥拉实在系难辞其咎。
对于瓜迪奥拉而言，执教曼城可能也都遇上咗一个新嘅执教课题，就系对比起过往执教嘅巴萨同拜仁，曼城系整体实力上并非强大到可以藐视一切嘅程度。老实讲，曼城如今人员虽然豪华，但实则问题多多，论稳定性肯定不如当年嘅巴萨及拜仁。而且擅长将众星云集嘅球队打造成拥有恐怖战斗力球队嘅瓜迪奥拉一向极为坚守自己嘅足球哲学，但喺球队并非战无不胜嘅情况下，必要嘅灵活调整就显得异常重要。可惜瓜迪奥拉始终坚持原则，并未意识到传控打法是否就能够应付一切场面。而喺欧冠被淘汰之后，曼城如今首要目标相信会系保持英超前四位置，不过目前排名第五同第六嘅阿森纳和曼联都并非弱旅，瓜迪奥拉能否最终取得一块遮丑布就真系要拭目而待。
-
0招财
-
0高兴
-
0期待
-
0羡慕
-
0失落
-
0吐槽
- 相关文章
- 相关赛事
- 相关栏目
粤公网安备
44030702000009号