竞彩足球：漫游者盼开“苏”

    成日睇欧洲波，今日就同大家转下口味，喺嚟紧礼拜二清早就有新一年度嘅南美解放者杯外围赛上演，其中乌拉圭球队漫游者首回合做客玻利维亚挑战苏克雷大学就最为值得各位客官关注。

     老实讲，苏克雷大学及漫游者近年喺南美解放者杯均无任何突出表现，双方都只系在2015年度嘅本项赛事其中齐齐止步十六强，彼此都可算系难兄难弟。但如果睇返两队喺近期嘅表现大家就可以发现一些端倪，毕竟喺上年12月进行嘅6场柄内联赛其中，苏克雷大学仅取1胜；而漫游者喺上年12月则系2战1胜1平。与此同时，苏克雷大学目前主场表现也欠缺说服力，皆因喺过去8场主场赛事其中，佢哋只取得3胜2平3负嘅平庸战绩。今铺首回合想要在主场打响头炮，苏克雷大学恐怕都系有心无力。

     至于人员上，两队队中皆以本土球员为主打，但个别球员本场依旧值得关注。其中漫游者攻击手N.干沙里斯势必会成为苏克雷大学后防线本场一大威胁，皆因佢喺球队最近4场赛事中贡献3波，毫无疑问系漫游者此行力图先拔头筹嘅食糊利器。