竞彩足球：英超圣诞快车有乜睇

    临近圣诞佳节，首先当然要预祝各位波友圣诞快乐，波运亨通。咁同过往一样，圣诞假期期间依旧有英超陪伴大家。而英超好睇又好玩就系人都知，咁喺嚟紧下礼拜一晚直到元旦期间，赛程密到好似NBA嘅英超圣诞快车又有乜特别元素值得关注？

    切尔西连胜停不了

     对于已经提前锁定今年英超圣诞冠军嘅切尔西而言，球队如今距离最近嘅追兵利物浦都有6分嘅优势，豪取联赛十一连胜嘅佢哋如今真可以高歌一曲：“无敌是最寂寞，最是痛苦。”而且正所谓勇者运强，就连赛程都企喺切尔西呢边，皆因佢哋嚟紧两轮联赛将分别过招实力平庸嘅伯恩茅斯及斯托克城。虽然前场两大核心迭戈·科斯塔和简迪都将因黄牌满额罚停赛无缘对阵前者，但对于兵强马壮嘅切尔西嚟讲，嚟紧呢6分依旧袋袋平安，而且考虑到切尔西过去四次在圣诞节礼日登顶的赛季中，最终都收获了联赛冠军，英超新军孔蒂这个圣诞不使朱古力都肯定甜到入心。

    争冠追兵路难行

     除开霸主切尔西一枝独秀，包括利物浦、曼城、阿森纳、托特纳姆热刺及曼联所组成嘅争冠梯队喺呢个圣诞恐怕都系有喜有忧。托特纳姆热刺季初曾一度带嚟惊喜，但由于喺强强对话其中多番成为软脚蟹，如今争冠前景已经大不如前，加上嚟紧两轮联赛将分别作客挑战硬骨头南安普顿及沃特福德，托特纳姆热刺如今真系只能够自求多福。至于喺德国教练克洛普调教下，利物浦本赛季表现令人眼前一亮，但嚟紧佢哋将喺元旦面临曼城嘅来访，由于曼城教练瓜迪奥拉近期遭遇信任危机，就连爱将迪布尼都公开质疑佢嘅战术一成不变，而且两队如今分列联赛第二同第三，呢场价值6分嘅较量真系万众瞩目。当然不得不提嘅自然系备受关注嘅曼联，近3轮联赛攞足9分嘅佢地目前距离四阿哥阿森纳只有4分，喺射手埃瓦尔谦莫域脚风甚顺，攻击手米希达恩又接近复出嘅一系列利好因素带动下，嚟紧接连主场与桑德兰及米德尔斯堡的赛事，穆里尼奥有望继续为一众曼联拥趸带嚟好消息。而渐渐成为扶不起的阿斗嘅阿森纳目前已经元神归位至英超第四，虽则嚟紧圣诞快车赛事考验不算太大，但受困于主帅及队中大将嘅去留传闻所影响，因此四阿哥阿森纳随时会带嚟惊喜，不过系有惊无喜咁话。

    卫冕冠军陷困局

     上赛季上演夺冠童话嘅莱切斯特城喺本赛季嘅表现实在令人无法猜测，球队既可以喺欧冠杀入淘汰赛，但喺联赛17轮过后却沦落至积分榜下游地带，手握17分嘅佢哋如今距离降级区域只有3分，若果主帅拉涅利再无良方拯救球队，呢个圣诞对于莱切斯特城拥趸而言绝对会系寒风阵阵。与此同时，为求生存，包括赫尔城、斯旺西、桑德兰、水晶宫及伯恩利等保级球队近期也都系动作频频，其中水晶宫更加喺本周四深夜挥下屠刀，将教练亚伦柏祖无情解雇。其实做咁多嘢，都无非希望球队能够喺接下来成功反弹，皆因留喺英超意味着可以继续瓜分庞大嘅转播收入等，一旦圣诞快车期间稍有差池，如莫耶斯等人嘅饭碗就真系危危忽。

     英超喺圣诞期间好戏连场，无论争冠定保级球队都势必会使出浑身解数，若想关注爱队届时表现，大家就记得锁定澳彩M直播喇！