竞彩足球：C朗荣获迪史提芬奴奖

    皇家马德里球星C罗获颁《马卡报》嘅迪史提芬奴奖，即2015-16赛季西甲最佳球员奖。

     西班牙报章《马卡报》举办嘅2015-16赛季西甲颁奖典礼，皇马球星C罗攞到象征最佳球员嘅迪史提芬奴奖，巴塞罗那前锋苏亚雷斯则当选最佳射手，马德里竞技教练西蒙尼则成为最佳教练，皇马嘅莫拉塔获选最出色本土球员。

     上赛季喺联赛获得35个入波和11次助攻嘅C罗刚与皇马续约，转头又出席颁奖礼，佢话：“今日系好特别嘅一日，我啱啱续新约，又攞到马卡报嘅奖，我仲有乜奢求？”

     “上赛季我有好多感动时刻，包括攞到欧冠杯同埋欧洲杯嘅冠军。我好开心，我会继续努力练习，希望有更出色嘅一年。”虽然C罗近期脚风麻麻，但系今年协助皇马赢得欧冠杯，喺夏天更带领葡萄牙赢得欧洲杯，预计佢会赢得嘅个人奖项陆续有来。