竞彩足球：本赛季中超有乜睇

    作为新一季中超嘅“餐前小食”，广州恒大寻晚最终喺上海虹口足球场虎口拔牙，以一场4比1嘅大胜成功捧得中国超级杯冠军，为本北京时间3月2日晚上即将拉开帷幕嘅2018中超大戏顺利开咗个好头。但喺U23等政策持续收紧之下，新一季中超看点仲有乜？不妨一齐嚟睇下。

    恒大誓保统治

     近年讲到中超，恒大两个字自然会系外界首当其冲会谂到嘅球队，皆因连年喺国内赛场嘅统治地位令人印象深刻。但从旧年开始，由于中国足协陆续出台有关U23球员上场人数等强制安排，恒大经营理念也开始出现转变。从过往一掷千金豪购内外援，到开始收集符合政策嘅国内年轻才俊，而保利尼奥嘅离去，恒大喺本赛季也只系补充咗天津泰达旧将古迪积。加上如冯潇霆、张琳芃、郑智和郜林等核心又老一岁，恒大如今喺中超赛场实力优势已经并不突出，而且本届亚冠小组赛开局遭遇两连平也令人失望。如果话上赛季卫冕之路已经充满荆棘嘅话，咁恒大本赛季想喺国内赛场延续霸主地位可谓迎嚟最大考验，且看今年重拾球队教鞭嘅少帅简拿华路能否交出满意答卷，将冠军奖杯留喺羊城。

    群雄力争上位

     由于中国足协本赛季陆续出台有关外援调节费等政策，大幅增加嘅引援成本也令到中超球队普遍喺转会市场显得缩手缩脚。虽然都有北京国安以球员自行买断方式引入贵价射手巴甘布等特殊案例，但其余有能力争冠球队都更多选择以原有外援班底继续征战。不过得益于此前一段疯狂岁月，各家球队如今都班底厚实，其中如有胡尔克带领嘅上海上港、蒙迪斯特作桥头堡嘅天津权健和有马斯切拉诺来投嘅河北华夏幸福喺上赛季就已经对恒大霸权虎视眈眈，另外啱啱与中超第一杀器沙希域续约嘅广州富力也有能力制造惊喜。至于一众老牌劲旅如山东鲁能等也同样渴望重拾昔日荣光。可以讲，喺恒大统治力出现倒退嘅情况下，2018中超冠军多咗更多可能性。

    一方或有惊喜

     如今中超呢块饼越嚟越大，所有球队自然渴望能够分一杯羹，但有啲球队志在争冠，有啲球队则志在生存。喺联赛中下游球队中，河南建业嘅拥趸可能就会喺新赛季显得更加忧心忡忡，皆因球队喺上赛季已经同“降级死神”擦肩而过，本赛季班底也没有太大亮眼改变，喺如今呢个弱肉强食嘅中超赛场中，河南建业保级之路可谓从第一轮就需要打响；但与此同时，下游球队中也并非全无亮点，其中升班马大连一方更加喺近期关注度急剧上升，由于传闻内地巨富集团之一嘅万达集团将会入主，大连一方上一场令人惊讶地吸引到马德里竞技双星加坦和卡拉斯高嘅加盟，计埋需要缴纳予中国足协嘅等额引援调节费，大连一方喺呢两位球员嘅转会中一共需要支付约合7.5亿人仔。虽然碍于国内球员能力不算上乘，但有无惧足协政策嘅大水喉射住，大连一方喺本赛季中超赛场嘅表现注定会惹来极大关注。