竞彩足球：齐齐庆贺C朗年

    凭借当家球星C罗喺下半场嘅一剑封喉，皇家马德里最终喺世界冠军俱乐部杯决赛1球气走格雷米奥，成功卫冕本项赛事桂冠。而计埋呢个冠军，皇马本年度已经合计收获欧冠杯、西甲、欧洲超霸杯、西班牙超级杯和世俱杯这5座冠军，此等战绩喺声名显赫嘅皇马队史中也尚属首次。当然球队有好成绩肯定要归功于全队上下每一位球员嘅努力，但队内中流砥柱毫无疑问都系佢——皇马7号波衫主人C罗。

    C朗年赢尽一切

    C罗今年有几巴闭？不如就简单罗列一下佢今年所获得嘅荣誉：队史首次嘅一年5座锦标就无需多讲，而2016-17赛季欧足协赛季最佳球员、FIFA世界足球先生、《法国足球》评选嘅欧洲金球奖和2016-17赛季欧冠最佳球员这4项个人奖项则可以算系一统江山嘅证明。如果一定话有乜算得上遗憾嘅话，喺啱啱结束嘅世俱杯决赛上仅收获银球奖(金球奖为队友摩德里奇)应该都算系堪称完美一年中嘅唯一小瑕疵。不过无论点，2017年已经被刻上呢位葡萄牙巨星嘅名字，即使强如梅西呢位一生之敌，喺今年嘅锋芒(无论个人定球队)都明显被掩盖。虽然话就话赢球靠整体，但如果无皇马7号如此光芒万丈嘅发挥，银河战舰今年嘅大丰收肯定无从谈起。

    战胜质疑盼世界杯

     不过电视剧都有讲，做人最紧要向前望，毕竟时代巨轮正飞速转动，如果一直训喺过往嘅丰功伟绩上，即使再伟大嘅球员都会被时代所淘汰。而喺本赛季联赛接近半程嘅情况下，宿敌巴萨卷土重来独占积分榜鳌头，过往进球如食生菜嘅C罗嘅进球数也一只手可以数得晒，不少外界声音质疑即将33岁嘅皇马头牌是否开始下滑。不过自加盟皇马以嚟，C罗遭受过嘅质疑可谓多不胜数，但佢每次都能够以耀眼嘅表现作有能力嘅回应，相信近来已经重新揾到射门鞋嘅皇马7号有望再一次用事实说话。与此同时，C罗嘅目光也已经摆放喺即将于明年举行嘅俄罗斯世界杯上，佢喺早前接受采访时已经透露生涯至今几乎赢尽一切，唯独世界杯舞台尚未征服。2018年已经越嚟越近，不妨期待C罗将辉煌延续。