竞彩足球：切尔西一统英超江湖

    凭借前锋巴舒亚尔一个价值千金嘅入波，切尔西喺礼拜六凌晨如愿从山楂球场带走3分。而喺联赛剩余2轮嘅情况下，手握87分嘅切尔西领先打少1轮嘅托特纳姆热刺已达10分，故本赛季英超霸主终于尘埃落定。而能够喺本赛季呢个乱世英超其中最终笑到最后，三年两冠嘅切尔西绝不简单。

     有波友笑称，切尔西本赛季最终能够成就大业，真系要多得阿森纳。点解咁讲？皆因正系由于兵工厂喺季初曾主场用3波替切尔西“开光”，导致本赛季先执起切尔西教鞭嘅孔蒂喺痛定思痛之下正式变阵，重拾当年喺尤文图斯嘅成名战术3-5-2。其中阿斯皮利奎塔、大卫路易斯与加里卡希尔搭档三中卫，简迪与马迪镇守中场中路，而马高斯阿朗素和摩西则分居两翼，至于攻击三人组会由迭戈·科斯塔、阿扎尔和威廉(赛季中后段较多使用佩德罗)负责。呢套如今大家耳熟能详嘅阵容不仅为切尔西随后带嚟过十三连胜，同时也将球队送上夺冠嘅正轨。与此同时，孔蒂战术运用固然犀利，但用人调教上同样有独到之处。喺佢嘅鞭策下，不仅马高斯阿朗素和摩西等球员喺新位置上如沐春风，同时也令本已靠防守出晒名嘅中场屏障简迪喺本赛季更上一层楼，成功击败各路好手夺得PFA年度最佳球员。除咗黄袍加身，切尔西本赛季夺冠也系猪笼入水。据透露，佢哋本赛季将可以获得惊人嘅1.5亿英镑收入，真可谓系名利双收，“人生胜利组”也不过如此。

     不过切尔西本赛季能够从前段一路带到尾，不多不少都要“得益”于上赛季联赛仅取得第十，导致本赛季并无夹集欧战嘅赛程烦恼，可以专心应付联赛自然要比其他争冠对手更加得心应手。然而，即使本赛季最终站上顶峰，但同时也多次暴露出孔蒂过于依赖首发阵容嘅问题，因此来季重返欧冠嘅切尔西喺多线作战之下能否继续有如此稳定嘅发挥要拭目而待。与此同时，随着队魂特里今夏正式离队，下一任领袖谁属目前仍未睇得清，而首发射手迭戈·科斯塔则一直被传将会来华揾人仔，就连阿扎尔也被西甲巨人皇马一直惦记。可以讲，切尔西今夏喺更新换代同设立新领袖上仍有不少课题要攻克，这个夏天注定不会平静。幸好班主阿巴莫域治喺引援上从来不会小气，而且喺重返欧冠及志在卫冕嘅双重刺激下，切尔西随时有可能喺今夏转会市场上制造惊喜。不过正所谓今朝有酒今朝醉，对于一众切尔西拥趸而言，当下毫无疑问就系最幸福嘅时刻。OnceABlue，AlwaysABlue！