竞彩足球：“祖”传防守闪耀欧冠

    通常要喺绿茵场上证明一支球队嘅伟大，除咗最终嘅胜利之外，伟大对手嘅衬托也系不可或缺嘅一环。单论阵容，拥有梅西、苏亚雷斯和内马尔所组成嘅巴塞罗那MSN进攻组合仍然堪称地上最强；再论处境，虽然巴萨喺欧冠杯四分之一决赛首回合作客惨吞三球，但鲁营球场却一向系主队巴萨嘅福地(问问巴黎圣日尔曼拥趸就最清楚)。但无人估到，曾经嘅宇宙队于次回合坐镇主场面对意甲班霸尤文图斯依旧无计可施，前者黯然出局走下神坛嘅同时，也充分烘托出尤文图斯被外界戏称为“绝望式防守”嘅强大。

     尤文图斯防守究竟有几强？如果单睇本届欧冠杯嘅丢球数，佢哋自小组赛至今嘅10场赛事总共只有2个丢球，其中十六强及四分之一决赛嘅两主两客更加保持不失球，实属难能可贵。而喺今日凌晨结束嘅欧冠杯四分之一决赛次回合中，尤文图斯简直为世人完美诠释何为真正嘅防守艺术。喺主场蛇巴萨全场焗攻无退路嘅情况下，尤文图斯用一层一层嘅海绵式防守成功令到MSN组合全场12次攻门仅1次中笼。与此同时，尤文图斯全场落嚟就连中场皮亚尼奇都完成咗全队最高嘅8次铲波，足以证明防守观念已经深入全队骨髓。另外，主帅阿莱格里嘅用兵也值得称道，其中前锋曼祖基奇改踢左边锋，与右边锋胡安古亚达度一并成为尤文图斯场上实质意义嘅第二对边闸也堪称一大亮点。而三年两入欧冠杯半决赛也充分睇得出尤文图斯距离重返欧洲之巅已经越嚟越近，而阿莱格里绝对系功不可没。

     有数据显示，最近两次喺欧冠杯淘汰赛零封巴萨嘅球队，最后都拿咗冠军(2008年曼联和2013年拜仁慕尼黑)。而尤文图斯相对于呢两家豪门，防守可谓更加恐怖，而反击能力也足够出色。另外值得一提嘅系，门神布冯职业生涯至今仍未染指过欧冠杯桂冠，由于距离收山已经越嚟越近，今年能否一偿夙愿也实在值得期待。不过老老实实，本届欧冠杯半决赛另外三支幸运儿摩纳哥、马德里竞技及皇家马德里都各有各特点，尤文图斯要想最终圆梦仍系任重而道远。不过做人最紧要信，拥有如此祖传秘方嘅防守功架，试问边队能够阻挡呢支尤文图斯？