竞彩足球：塞尔塔有型有“格”

    周一凌晨，西甲第30二轮有一场笋盘推介畀大家，届时塞尔塔将会去到新洛斯卡梅内斯球场对阵格拉纳达。从大家近期状态嚟睇，客队绝对系好过身处榜尾之列嘅格拉纳达，相信不洗多讲大家都系支持比赛按正路发展，实力高出不止一班嘅塞尔塔赢球赢盘。

     31轮联赛战罢，格拉纳达积20分好过副班长奥萨苏纳小小排名尾二，原本上个月初主场赢咗埃弗拉维斯以为咸鱼翻生，不过烂泥始终扶不上柄，格拉纳达喺最近6轮联赛净系靠拉科鲁尼亚“畀面”攞咗1分，其余5场输晒，咁嘅状态点敢谂保级。另外，格拉纳达最近几个赛季见亲塞尔塔都好难有运行，计埋本赛季首循环输1比3，格拉纳达喺大家近4个赛季总共9次过招纪录入边取得1胜3平5负，就算今铺有主场优势都顶不住起紧势嘅塞尔塔。

     不妨睇下塞尔塔最近赛程就会感受到佢哋有几攰，上一场同亨克踢咗欧联杯四分之一决赛首回合隔咗3日就嚟到本场联赛，下个礼拜周中又要同亨克踢“下半场”，之后又隔不够3日就踢下一轮西甲，球员体能耗损程度不言而喻。如果再睇翻这个月较早前嘅赛程，塞尔塔喺不到一个礼拜先后面对拉斯帕尔马斯、巴伦西亚以及埃瓦尔三支实力嘅球队，咁就不怪得近3轮净系得1胜2负。屋漏偏逢连夜雨，正当前锋G.罗斯早前喺拉斯帕尔马斯身上独中三元令外界欢呼昔日意大利金童迎嚟第二春嘅时候，无情嘅伤病再次揾上门，根据官方证实佢起码休战6个月。好彩，塞尔塔队中不乏有才华嘅攻击手，例如前锋阿斯帕斯，此君凭借联赛至今攻入嘅16球成为本土最佳射手，以一己之力扞卫西班牙人嘅尊严，而且佢喺最近3次面对格拉纳达总共射入4球，相信佢今铺可以带领塞尔塔结束联赛两连败。盘路方面，澳彩亚盘开出平手盘，两队之间实力差距从近况以及战绩就充分体现出，入手塞尔塔好大机会有肉食。