竞彩足球：羊城大战平局可能大

    虽然如火如荼嘅国际比赛日啱啱暂告一段落，但各国联赛喺本周末又将重新登场。而近年军备竞赛越演越烈嘅中超喺礼拜六晚上就将迎来一场强强对话，届时中超霸主广州恒大将坐镇羊城迎战不怀好意嘅访客上海上港。恒大主场一向够恶，不过火力惊人嘅上港如今势头也人见人怕，此番两强相遇和味甚浓。

     对于恒大而言，本场可谓系喜忧参半。喜嘅自然系队中如中场保利尼奥、后卫张琳芃、冯潇霆及门将曾诚等将士喺近期嘅国际比赛日上都发挥出色，尤其系保利尼奥如今更加成为巴西国家队嘅大腿之一。而且为咗减少旅途带嚟嘅疲劳，恒大方面更加派出专机接送呢位巴西中场返广州。但弊就弊在队长郑智本场继续停赛，与此同时，教练斯科拉利也因不负责言论被罚禁赛，导致恒大此番将遭遇群龙无首嘅局面。至于客队上港，春风得意嘅佢哋近期无论亚冠定系联赛都踢得得心应手，其中胡尔克领衔嘅攻击群更加火力全开(近6场各项赛事攻入19波)。更加值得一提嘅系，已无回避条款限制嘅射手埃尔克森今铺将踏上天河体育中心的草皮倒戈旧主，加上此番也将系呢位外籍射手嘅第100场中超赛事，而此前99场联赛其一共攻入73波，都咪话不得人惊。

     论经验论往绩，恒大自然更胜一筹；但论势头论火力，上港也绝不失礼。考虑到双方过去2次喺羊城进行嘅联赛都系1比1平局收场，今铺不妨再度睇好两强激战成和。