竞彩足球：哈德斯菲尔德添“丁”在望

    要论目前英冠风头最劲嘅球队，相信已经连续6轮不败嘅雷丁绝对有资格出声。但佢哋嘅喜悦之情恐怕会喺礼拜三凌晨烟消云散，皆因到时雷丁将需要走访状态更加如日中天嘅哈德斯菲尔德，呢个作客之旅注定难行。

     哈德斯菲尔德近期有几恶？首当其冲嘅当然就系过去5轮联赛攞足15分，而且过去13轮联赛仅取得1败；与此同时，佢哋上一场喺英格兰足总杯第五圈更加主场逼平粒粒皆星嘅曼城，成功博到重赛机会。而且要论攻击力嘅话，哈德斯菲尔德从1月下旬至今嘅火力也令人满意，因为喺过去5轮联赛其中佢哋一共攻入12波，一改此前进攻端发挥不稳定嘅毛病。相反雷丁本赛季主客场表现差异甚大，过去3场联赛作客仅取得胜平负各一仗嘅平庸战绩之余，城门也被五度攻陷，今铺想要阻挡以射手卡真加为首嘅哈德斯菲尔德攻击群实在无疑系痴人说梦话。

     至于投注策略方面，鉴于双方过去6次交手均大都出现大手笔交易，近期火力十足嘅哈德斯菲尔德今铺也势必不会令追捧上盘嘅波友失望；而如果想求稳，哈德斯菲尔德嘅标准盘也都系不二之选。