竞彩足球：流浪做客“圣”利无忧

    同英超一样，苏超喺圣诞假期期间同样好戏不断，其中喺礼拜四凌晨就有惹人关注嘅格拉斯哥流浪出击，带住连胜强势嘅佢哋将做客圣约翰斯通，再取3分可谓指日可待。

     其实骤眼睇，主队圣约翰斯通并非毫无取胜之机，皆因佢哋过去4轮联赛保持不败，证明绝非任人鱼肉之辈。但如果睇深少少就会发现圣约翰斯通本赛季居然染上主弱客强嘅怪病，因为喺主客场同样战罢9轮嘅情况下，圣约翰斯通主场(3胜2平4负)与作客(4胜4平1负)嘅战绩形成鲜明对比，可见主场如今并非佢哋嘅福地。相反不怀好意嘅访客流浪喺过去7轮联赛中取得6胜1负之余近期更加踢出一波四连胜，如今状态如何相信大家心照。与此同时，沉寂咗一大段时间嘅流浪射手域汉近来更加突然醒神，连续2轮有波入嘅佢今铺也注定会成为圣约翰斯通嘅心腹大患。

     至于盘路方面，澳彩亚洲让球盘目前开出流浪让半球，鉴于佢哋近期都系一波交收居多，今铺去马相信都袋袋平安。而如果想话串返条过关飞嘅话，流浪也都系铁胆嘅不二之选。