竞彩足球:本菲卡称雄“里”所当然

2016-12-20 15:39:14  来源:500彩票网  责编:fenxi  点击: 

    要数本赛季葡超发挥最为飘忽嘅球队,相信里奥阿维绝对可以获得提名,皆因佢哋此前啱啱经历连续5轮联赛不胜,但转过头又喺近4轮联赛中全取12分。不过里奥阿维嘅强劲势头如无意外将会喺礼拜四凌晨遭到终止,因为届时等待佢哋嘅将会系拥有魔鬼主场嘅霸主本菲卡。

     其实里奥阿维队中星光暗淡,球队近期能够接连称雄好大程度系依靠一众平民队友嘅同心协力,而目前联赛战罢14轮,里奥阿维有12位将士品尝过入波滋味也足以证明佢哋整体实力不容小觑。但莱切斯特城奇迹并非时时有,而喺弱肉强食更加明显嘅葡超,里奥阿维本场嘅拦路虎本菲卡更加如一座无法攀登嘅高山屹立在此。毕竟睇返本菲卡本赛季表现,抛开14轮联赛过后手握35分暂为霸主不讲,球队跨赛季至今23场联赛主场取得20胜1平2负嘅战绩就足以吓死人。而且更加重要嘅系,目前积分榜阿二波尔图正喺身后穷追不舍,本菲卡今铺一旦取胜就将可以令双方积分差距扩大到较为安全嘅4分。试问毫无失分空间嘅本菲卡又点会放过送到埋嘴嘅里奥阿维。

     不过即使队中坐拥鲁尔占美尼斯、E.哈维奥等能力不俗嘅攻击手压阵,但睇返本菲卡过去4次联赛面对里奥阿维却往往入波不多,其中有3场更加只能攻入1波。考虑到目前澳彩亚洲让球盘开出本菲卡主让球半/两球嘅盘口,今铺实在不得不防前者赢球输盘。

看完该资讯,您的心情是?
  • 0
    招财
  • 0
    高兴
  • 0
    期待
  • 0
    羡慕
  • 0
    失落
  • 0
    吐槽

热点专题

更多>>
新赛季五大联赛
新赛季五大联赛
2019-2020赛季五大联赛:豪门盛况 [详情]
年终专题
年终专题
2016年彩市回顾 看什么比赛易爆冷 [详情]