竞彩篮球：绿色战魂之影

标签：赛事前瞻

    每年呢个时候嘅NBA，除咗季后赛嘅白热化阶段吸引无数眼球，各大奖项候选名单无疑系另一大睇头。今年嘅几个奖项，除咗常规赛MVP因为哈登鹤立鸡群显得缺少悬念，最快进步球员、最佳第六人等等都好似就嚟“争崩头”。其中年度新人王简直令人“强迫症发作”，皆因宾史蒙斯、多诺万米曹同积逊达顿形成“三足鼎立”，如果有机会投票，笔者个人口味更偏向嗰位能够代表绿衫军未来嘅后生仔。

    宾史蒙斯嘅全面令我哋谂起“魔术手”约翰逊，76人喺呢位未来顶级巨星带领下总算结束无尽嘅重建期；多诺万米曹有啲“科比二世”嘅味道，十三顺位得分后卫、全明星扣篮王，更重要系秉承“黑曼巴”嘅职业态度，受伤都坚持出战就系力证。咁积逊达顿似边个？当然系佢嘅绿衫军前辈皮尔斯。

     时间回到揭幕战，海沃德断脚赛季报销，积逊达顿首秀就遇到“大场面”，点会不产生心理阴影。不少人当初认为主帅史蒂文斯用佢打首发(打足成季)系“马死落地行”，但宜家睇返转头无办法不佩服系一次精明投注。喺充足嘅成长空间底下，积逊达顿完全达到甚至超越外界预计，低位背打、无球跑位、三分球、突破攻击三秒区甚至高位策应，十八般武艺逐步强化，上一位拥有咁多样式嘅招数同时具备锐利度嘅绿衫军侧翼，不洗讲都估到就系深受万人敬仰嘅“队魂”皮尔斯。

     有人会质疑：皮尔斯嘅绿衫军岁月历尽无数风雨，由随队重建到连年陪跑，直至储齐“三巨头”问鼎队史第十七冠，一个新仔同丰功伟绩边有得比？无错，讲身手同荣誉，积逊达顿有排未够班，但同前辈一样，身上流淌嘅“绿血”极其沸腾。喺同时失去两大核心得分手嘅情况下，绿衫军季后赛到目前为止真系令人歎为观止，硬闯“鹿”潭、力撼费城双帝星，一个新仔成为球队季后赛得分王，带领悍匪队友尽显不屈斗志，一次又一次触动球迷心弦，传奇之路理应系用呢种方式开启。

     最佳新秀最终都系睇翻成季嚟拣，就算最终无奖攞，积逊达顿已经用独特嘅方式俘虏咗笔者心中一票，不知你哋又点投呢？

[投注竞彩篮球] [没账户？马上注册] 分享到：