竞彩篮球：季后赛正式入戏玉

标签：赛事前瞻

    话咁快，季后赛已经打咗成个月，相信广大波友睇完头两轮都意犹未尽。精明嘅观众应该会感受到，首轮嘅8组对话带畀咗大家久违嘅刺激甚至系新鲜感；而第二轮好似就有啲不过瘾，皆因4组对决全部都系5场之内结束战斗。正如我哋经常话斋，“暴风雨前夕都系平静嘅”，嚟紧分岸决赛究竟系继续风平浪静定系风起云涌？以下落嚟笔者希望分享小小愚见。

    皇帝面前绿衫军难演复仇者

     行到今时今日呢一步，凯尔特人毫无疑问系最值得敬佩嘅球队。两大球星一早报销，季后赛开打前已经不被睇好，而且回顾过去两轮，雄鹿同76人主力班底全部都系天赋满泻嘅后生仔，睇阵容绿衫军已经输咗几条街。不过季后赛始终暗涌横生，好多潜在嘅力量观众嘅肉眼又点会咁轻易睇穿？能够连续淘汰两支被视为联盟未来嘅球队，佢哋将两大关键诠释得淋漓尽致——经验同传统。关键人物不洗讲都知系主帅史蒂文斯，虽然系得40岁出头，但接手凯尔特人由重建到东山再起，球队5个赛季以嚟嘅大风大浪都喺佢带领之下闯过。特别喺今年，因为少咗欧文同海沃德，凯尔特人将传承落嚟嘅铁血斗志散发得更加扑鼻，而路薛亚、史马特、积伦布朗同霍福德无疑系最佳导体。最令人惊喜嘅莫过于积逊达顿，无人估到一个新秀已经成为联盟最具底蕴嘅球队季后赛得分王，无办法不承认，凯尔特人真系因祸得福。

     任由凯尔特人继续坚持，但在下很抱歉，除咗有意想不到嘅情况持续发生，佢哋本赛季征程应该喺东部决赛告一段落。不系马后炮，笔者要先表明系中立球迷，我从来不信拥有詹姆斯嘅骑士会入不到总决赛(除非佢遭遇毁灭性伤势或者已经60岁)。大家有眼睇，季初骑士打得有几差，当时个个都踩到佢哋落地底咁制；不过去到赛季中期交易截止上一场果断铲除“毒瘤”，而且新援作用立竿见影，出招咁“快狠准”实在值得膜拜。或者正如坊间传言，成个联盟都希望有人撼动勇士，而放眼东部，就系詹姆斯所在嘅球队够班，咁“盟军”当然宁愿蚀抵都肯贡献火力。

     睇翻旧年两队嘅对话，老实讲凯尔特人当时拥有伊赛亚-托马斯等多名现已离队嘅猛将，赢面比宜家大得多，宜家咁嘅残阵，难听啲讲句入咗季后赛好似都无乜睇头。另外骑士最值得秤先嘅一点，同样经历咗第一轮抢七，凯尔特人气势同状态都稳定到得人惊，而骑士就彻底畀步行者打醒，好似搭火箭咁冲上云霄，上一轮直落四盘搞掂猛龙就系最佳证明，众将元神归位在此就不一一多提。就上述而言，呢轮系列赛总比分预计同旧年一样，骑士4比2淘汰凯尔特人，前者按剧情发展杀入总决赛，而后者则完美收季，大家皆大欢喜。

    最“勇”猛“火”力对攻如期上演

     等咗大半个赛季，最令人期待嘅对决如期将至，讲紧就系当今NBA两支最顶级进攻球队嘅直接对话——火箭对阵勇士。深受广大国内球迷喜爱嘅火箭今年真系非常争气，从一赛季开始就踩衡油成功夺去勇士嘅联盟霸主宝座，而且常规赛3次对决更加占据上风。能够有咁大提升，旧年暑假“七换一”引入克里斯保罗必然系最重要一笔，呢位现已33岁高龄嘅控卫越来越有韵味，常规赛收住打偶然露两手最耍家伎俩，嚟到季后赛为咗完“西决地板”梦终于锋芒尽露。上赛季憾失MVP，哈登本赛季更加发奋，从过去82场常规赛外加10场季后赛嚟睇，如果再有人可以取代佢攞奖，相信NBA好快会畀人拆烂招牌。当然火箭绝对不止两大后卫威水，“饼王”卡比勒、“鞋王”P.J.杜卡、“替补王”埃里克·戈登......咁多“天王”压阵，火箭系众望所归系砌低勇士嘅正义之师，不好不记得仲有我哋中国球员周琦。

     不好意思都要讲句，笔者并不睇好火箭过到勇士呢关。直接睇阵容，四巨头喺第二轮终于齐人，斯蒂芬库里嘅灵气彻底帮我哋嘅记忆带翻过去几年，佢哋嘅无坚不摧依然印在眼帘，至于常规赛点解畀人觉得好似退步咗咁？简单提示下，主帅史提夫卡尔师出名门(波波维奇)，咁又点会不将学翻嚟嘅独门绝技(战术性揸流滩)派上用场呢。要对付火箭，相信勇士都极具心得嘅嘞，如果话“浪花兄弟”同“休斯顿双引擎”打成平手，特雷蒙格连同卡比勒喺内线“揽炒”，火箭嘅问题嚟喇，边个去搞掂杜兰特？阿里扎、P.J.杜卡定锨蛲莫特？唯有寄望下杜兰特不知出啲乜意外喇。

     不妨回顾交锋纪录，不计本赛季常规赛火箭以2比1占上风，从2014年到2017年3个赛季12次常规赛交手勇士赢下11次，信心早就建立；至于季后赛底蕴，勇士叱咤风云呢近几年第一个冠军，啱好西部决赛手下败将就系火箭，本次再度会面，到底系勇士继续铺垫自己嘅王朝之路，定系火箭将新仇旧恨一齐报？等我哋拭目以待。(预测：勇士4比3淘汰火箭)

[投注竞彩篮球] [没账户？马上注册] 分享到：