竞彩篮球:“字母哥”——下一站天王

2017-10-26 17:19:36  来源:500彩票网  责编:fenxi  点击: 

标签:赛事前瞻

    话咁快,NBA新赛季已经开咗波一个礼拜,好多观众对本赛季嘅发展都有几分唏嘘,原因无它,有不少备受爱戴与期望嘅球星陆续“中招”离场,例如被誉为现役最强白人同黄种人嘅海沃德同林书豪、“欧洲之王”特奥多西奇、克里斯保罗以及其他部分养紧旧伤嘅人等等,伤病真系搞到人心惶惶,观众睇波都睇得不过瘾。虽然系咁,一众喺前场搏杀嘅球星依然为广大球迷带嚟最顶级嘅视觉享受,其中某啲人甚至畀到我哋一种久违嘅新鲜感,譬如话佢——安特托昆博。

     有人话佢似杜兰特,两位嘅身材简直成个饼印咁,手长脚长身材纤细,十足一副移动嘅骷髅骨;有人话佢似詹姆斯,虽然中远距离射篮麻麻哋,不过随着佢嘅身体素质越嚟越劲爆,篮底冲击力称得上联盟顶尖,而且身手全面又擅长串联队友;也有人话佢似加内特,上赛季得分篮板助攻抢断盖帽五项数据均领跑雄鹿,令人谂翻起十几年前森林狼鼎盛时期嘅“狼王”。究竟安特托昆博系边个?

     事实上,安特托昆博不系佢哋边个嘅第二代,佢就系佢自己。不似杜兰特有咁柔顺嘅得分手感,安特托昆博身为控球前锋多数系靠比前者更胜一筹嘅身体素质硬食防守球员,掌控比赛嘅方式截然相反;无詹姆斯同加内特一出道就被视为天之骄子嘅待遇,2013届选秀大会一直以嚟都不系太畀人睇好,睇下状元出咗嘅乜人就知喇(本内特),而且安特托昆博仲要不喺乐透区被选中。不过安特托昆博付出嘅努力系超越常人,不妨睇睇佢每一季嘅场均得分,从新秀赛季嘅6.8分到第二年12.7分,2015-16赛季16.9分再进步到上赛季嘅22.9分,可想而知呢只希腊怪物一路以嚟有几咁努力升级自己嘅硬件。

     新赛季,雄鹿打咗4场,除咗面对“东部霸主”骑士输球,其他3场面对有一定分量嘅对手都顺利获胜,头号功臣不洗讲都知锨颌迪图昆保。4场比赛过后,佢场均斩获36.8分、10.8个篮板、5.3次助攻、2.3次抢断外加1个盖帽,成绩单比起上赛季平均水准更加靓仔,东部周最佳当之无愧。值得一提嘅系,安特托昆博成为历史上第九位赛季开始头三场比赛斩获至少115分嘅球员,呢项数据系攞嚟比肩迈克尔乔丹、张伯伦、渣巴、奥尼尔等等殿堂级名宿。

     退役咗一年几嘅湖人名宿科比今年暑假喺社交网站上同一啲现役球星有互动交流并且向对方表达自己对佢哋嘅期望,佢畀咗伊赛亚-托马斯一个任务,尝试冲击年度最佳第一阵容;而奇才头牌沃尔嘅任务就系入选最佳防守第一阵容。至于安特托昆博,科比好简单咁写咗三只字——“MVP”。虽然赛季开打无几耐,不过安特托昆博已经同詹姆斯、杜兰特以及威斯布鲁克被视为常规赛MVP大热,可见雄鹿球星已经再不系一个单纯嘅数据狂人。

     周最佳只不过系一次小测验嘅奖励,成季流流长等紧安特托昆博嘅挑战数之不尽,宜家真系不敢讲佢会带住鲍鹿爬到几高跑到几远,但可以肯定嘅系,等到詹姆斯将来离开呢个舞台,目前仲未满23周岁嘅安特托昆博会系最有资格承继“联盟第一人”呢个名衔嘅人。

[投注竞彩篮球]  [参与竞篮合买]  [没账户?马上注册] 分享到:

看完该资讯,您的心情是?
  • 0
    招财
  • 0
    高兴
  • 0
    期待
  • 0
    羡慕
  • 0
    失落
  • 0
    吐槽

推荐赛事

热点专题

更多>>
新赛季五大联赛
新赛季五大联赛
2019-2020赛季五大联赛:豪门盛况 [详情]
年终专题
年终专题
2016年彩市回顾 看什么比赛易爆冷 [详情]