竞彩篮球：全明星缤纷周末前戏率先睇

标签：赛事前瞻

    NBA全明星赛正赛将喺北京时间2月20号9点上演，喺正赛之前当然不少得前戏。18号上昼，全明星新秀挑战赛将隆重上演，与往年一样，由新秀美国队对阵新秀世界队；嚟到19号上昼，万众瞩目嘅扣篮大赛、三分球大赛以及技巧挑战赛将悉数尽显喺球迷嘅眼前。今日我哋不如先嚟睇下前戏有乜睇头先喇。

    新秀挑战赛——潜力新星一一涌现

     提起新秀挑战赛，最为人熟知嘅应该喺2000年到2011年果段时间，喺呢段时间内，一直沿用一年级生挑战二年级生，而本届全明星新秀挑战赛继续采用由2015年再度改良嘅方案，分为新秀美国队和新秀世界队，本届新秀挑战赛嘅吸引力绝对不会比正赛失色。卡尔唐斯、迪云布加以及D.罗素都系各自球队嘅核心，佢哋领衔新秀美国队；不好以为外籍球员就好欺负，佢哋有近期开启无敌状态嘅N.祖基奇以及尼克斯嘅建队基石波辛基斯喺度，只不过近日接连迎嚟坏消息，本赛季最佳新秀大热嘅乔尔艾比迪同埋“CBA名宿”梅迪亚都因伤退赛，一下子新秀世界队嘅实力严重受损。本届卡尔唐斯率领嘅新秀美国队好大机会再次手刃新秀世界队喔。

    伊赛亚-托马斯领衔技巧挑战赛

     本届技巧挑战赛依然采取矮仔同高佬分区嘅赛制，上届伊赛亚-托马斯喺矮仔区脱颖而出，不过最后输咗畀高佬区嘅卡尔唐斯，佢肯定心有不甘，所以本届嘅技巧挑战赛佢又再一次参加。由经验嚟睇，喺矮仔区入面最大威胁嘅莫过于系沃尔，不过伊赛亚-托马斯嘅好胜心极强，佢肯定会喺赛前苦练一番，睇嚟矮仔区本次又系佢话事。上届有多少轻敌嘅伊赛亚-托马斯假若顺利杀入决赛，相信佢不会再睇不起啲高佬喇，有趣嘅系，考辛斯同埋安东尼戴维斯都不信邪，继上一届后本届继续参加技巧挑战赛，就连“大帝”中锋乔尔艾比迪都话要玩埋一份，可惜佢近日再度被伤病缠绕无缘参赛，近期人气火爆嘅N.祖基奇将顶替其参赛。

    克雷-汤普森望三分球大赛冧庄

     联盟宜家盛行三分球战术，咁三分球大赛自然吸引不少观众眼球，讲到三分球大赛，本届最遗憾嘅莫过于斯蒂芬库里嘅拒绝邀请，佢话既然上届卫冕不到，自己又参加过6届，所以畀啲机会其他人喇。斯蒂芬库里不能完成嘅嘢，克雷-汤普森去帮佢完成，后者本届带住卫冕冠军嘅光环参赛。不过克雷-汤普森要完成冧庄嘅话真系不容易，佢个人本赛季常规赛嘅表现显得较为飘忽，加上本届嘅对手绝非泛泛之辈，最具威胁嘅当属2013届嘅三分球大赛冠军欧文、本赛季场均常规赛三分球命中数排名联盟第二嘅埃里克·戈登以及本赛季三分球总命中数排名第三嘅罗利，睇嚟克雷-汤普森本届嘅冧庄难度不会低过上届嘅斯蒂芬库里。

    艾朗哥顿不服输誓要做扣篮王

     喺全明星正赛之前，最重戏码嘅当属扣篮大赛。上两届连庄嘅扣篮王查克拉维利之前已经选择放弃实现三连霸嘅机会，点知喺佢宣布咗呢个消息之后嘅1个礼拜左右时间，佢就重伤赛季报销，有啲遗憾。除此之外，本届嘅扣篮大赛依然无一位超级巨星参加，不知系咪因为怕受伤定系惊攞不到冠军会好丑嘅原因喇。按照扣篮大赛嘅阵容嚟睇，喺上届同查克拉维利斗到难分难解嘅艾朗哥顿终于迎嚟机会，虽然弹跳出众嘅德安德烈乔丹都有机会参加本届扣篮大赛，只不过佢咁高，做起动作嚟睇必然无艾朗哥顿佢哋咁优雅，好期待佢不知会出啲乜嘢奇招嚟吸引评判畀高分。不过千祈不好低估太阳小将德里克琼斯喔，尽避大家喺NBA赛场上可能对佢好陌生，但系呢位小将喺未入NBA之前已经飞得，多次上演头高过篮框嘅扣篮，对于艾朗哥顿嚟讲，德里克琼斯绝对系一个威胁。值得留意嘅系，虽然扣篮大赛本届依然星光黯淡，但系喺评委方面却粒粒巨星，分别有“人类电影精华”韦健士、“手套”佩顿、“海军上将”大卫罗宾逊、国王名宿韦伯以及“铁血大佐”莫宁，除咗韦伯之外，其余4位均已经入选NBA名人堂。

[投注竞彩篮球]  [参与竞篮合买]  [没账户？马上注册] 分享到：