竞彩篮球:前雷霆三杰现各领风骚

2016-12-02 17:38:13  来源:500彩票网  责编:fenxi  点击: 

标签:赛事前瞻

    今夏杜兰特选择放弃雷霆大佬嘅身份,加盟原本实力强劲嘅勇士,即被一众球迷戏称抱大腿;前雷霆二少威斯布鲁克留守坐正老大位置,表现表现出色但始终欠缺帮拖;前雷霆三少哈登转投火箭后立刻成为基石,如今更与威斯布鲁克成为联盟中嘅风头人物。下面小编分析一下前雷霆三杰依家所处嘅境况。

    威斯布鲁克已成为当今联盟第一控卫

     如今联盟可谓矮仔多计,克里斯保罗、斯蒂芬库里、欧文以及罗利等控卫系各自球队嘅核心或者二当家,关于边个系联盟第一控卫呢个争论从来未停过,但随着比赛嘅深入,结果已经越来越明显,第一控卫非威斯布鲁克莫属。

    威斯布鲁克本赛季常规赛前20场全勤,场均斩获31.2分、10.6个篮板和11.3次助攻嘅高光数据,场均斩获三双已经比肩“大O”罗拔逊。佢喺上一场对阵奇才再次攞到三双,已经连续第四场斩获三双嘅成绩,赛季至今九次三双,喺本赛季嘅大三元榜上,威斯布鲁克远远抛离哈登嘅4次大三元稳守第一位。而威斯布鲁克呢D数据并非空斩嘅,佢依家独自带领雷霆攞到12胜8负嘅战绩位列西部第五位,如此出众的表现令到佢荣获11月西部最佳,风头明显盖过斯蒂芬库里等人,相信话佢系当今联盟第一控卫一众球迷也不会持过多嘅反对意见。

    杜兰特转会后成为勇士新大佬

     相信大家早就预计到杜兰特加盟勇士之后,佢嘅数据会有所下滑,如本场均17.5次出手,比上赛季嘅场均19.2次出手要低。但系拥有杜兰特嘅勇士喺本赛季开局嘅表现十分出色,球队近乎无敌状态,杜兰特喺本赛季场均攞到27.7分系队中嘅得分王,而佢嘅命中率去到55.9%(职业生涯单季最高),效率十分惊人。杜兰特本赛季之所以攞分犹如食生菜,其实也并非无因,佢身边嘅好帮手由威斯布鲁克变成斯蒂芬库里和克雷-汤普森两位射手之后,喺进攻端上,对杜兰特实施包夹战术会另其他射手有空档,因此佢获得咗更多嘅单打机会,喺一对一嘅情况下,杜兰特系联盟顶尖水准嘅球员,并且喺实施矮仔战术嘅时候,杜兰特会出现喺大前锋嘅位置,佢嘅灵活性令到其他防守者无从入手,佢也因此获得更多轻松出手嘅机会。喺杜兰特面前,斯蒂芬库里都要甘拜下风,火热嘅手感令到杜兰特悄然成为勇士嘅新大佬。

    基石哈登转型为助攻好手

     德安东尼嘅到来,彻底改变哈登以往嘅作风,仲记得想当年雷霆除咗薪金问题之外,仲有乜嘢原因要送走哈登吗?初出茅庐嘅哈登空有一身进攻本领,系一位进攻技术丰富嘅左手将,但系“眼神防守”当时已经标签喺佢身上。经过喺火箭呢几年嘅发展,哈登嘅防守依然无乜进步,但犀利嘅进攻已经令佢成为联盟数一数二嘅得分后卫。本赛季德安东尼呢位大打进攻战术嘅教练入主之后,哈登除咗得分之外,佢嘅场均助攻数已经登上联盟NO.1,场均12.1次助攻,火箭嘅团队进攻战术喺佢嘅带领下已经逐渐成型,就喺此前结束嘅勇士主场与火箭嘅强强对话中,哈登与杜兰特嘅较量最终哈登赢,佢个人更斩获三双数据。

     总体而言,前雷霆三杰喺解散咗之后都各领风骚,佢哋都可以舒适咁去施展自己最拿手嘅技能,照目前嘅形势嚟睇,杜兰特、威斯布鲁克以及哈登喺不受伤嘅情况下,佢哋好大机会会喺全明星赛场上获得西部首发嘅资格从而再次联手,好期待睇下佢哋喺依家分道扬镳之后到时联手又会打出啲乜嘢效果。

    

[投注竞彩篮球]  [参与竞篮合买]  [没账户?马上注册] 分享到:

看完该资讯,您的心情是?
  • 0
    招财
  • 0
    高兴
  • 0
    期待
  • 0
    羡慕
  • 0
    失落
  • 0
    吐槽

推荐赛事

热点专题

更多>>
新赛季五大联赛
新赛季五大联赛
2019-2020赛季五大联赛:豪门盛况 [详情]
年终专题
年终专题
2016年彩市回顾 看什么比赛易爆冷 [详情]