竞彩篮球：年度终极之战有睇头

标签：赛事前瞻

    相信睇完总决赛前六场嘅球迷都会对呢个系列赛有百般感言，喺外界睇嚟勇士翻主场拿冠军无走鸡，然而骑士“死不断气”又带畀观众再多一次嘅期待，对于两队嘅拥趸嚟讲，无论边个最终夺冠，今年嘅总决赛都将会喺NBA历史上有重要意义。既然系咁，下面不妨睇睇呢场即将喺周一朝早进行嘅年度决战有乜睇头。

    决战前传分析

     回顾一下总决赛头两场，勇士不费吹灰之力，两场总共赢骑士48分，创造咗NBA历史上总决赛头两战嘅最大分差纪录；正当全世界都以为呢支拥有单赛季历史最佳战绩嘅球队眼都不眨就横扫骑士嘅时候，后者翻屋企即刻反弹，净炒勇士一锅30分；好似回光返照咁喔，第四场打完，骑士又送自己上绝路。不过，NBA嘅剧本畀我哋估到仲不发达？呢个时候外界又以为勇士翻主场喺乡亲父老面前捧杯，然而亚当·席尔瓦心念：“边会咁快大结局”。点讲都好，就算斯特恩退咗休，詹姆斯都系有“契爷”照住，身为NBA“霸主”，有佢嘅地方票房就有保证，商业联盟肯定系想揾多一场系一场喇。

     其实好多人喺总决赛开波前已经估到今年要第七场先分胜负，不过讲到尾，无论系球员客观嘅真实发挥又好，定锨虻地里嘅“阴谋论”又好，总决赛打到宜家最大受益人都系球迷。宜家剩低会有两个结局：历史上单赛季最佳战绩嘅勇士赢低历史性嘅抢七大战，呢个结局系正路嘅，一嚟系因为最好嘅球队当然先配得上最高荣耀，再者就算骑士输球都称得上虽败犹荣，翻去克里夫兰都不洗背负罪名；另外一个，骑士成为首支总决赛总局数以1比3落后最终逆转夺冠的球队，呢个结局完全系荷里活电影嘅路径，充满英雄复仇色彩，更何况对一啲中立球迷嚟讲，一人攞一次冠军皆大欢喜喇。总体来讲，两个结局绰头都有味，NBA将年度大结局发展到呢个地步绝对系赢尽全世界。

    配角疯狂博火

     除咗詹姆斯之外，后卫欧文嘅表现都算系抢眼，虽然佢嘅手感保持不到火热，不过喺近两场生死之战，佢系骑士最重要嘅救兵，尤其系喺总决赛第五战简直就系“乔尔伯伯”上身，(注：乔尔伯伯系欧文自编自导自演拍摄嘅一个系列篮球短片主角)，佢毫无疑问系詹姆斯嘅最得力助手。至于另一名同佢哋合称“三巨头”嘅凯文勒夫真系差到无朋友，第五战无咗勇士防守大闸特雷蒙格连嘅“关照”，前者表现依然难尽人意，相信无论骑士最终夺冠与否，凯文勒夫下赛季应该不会再身披骑士战袍。

     勇士不单只取得斯蒂芬库里，克雷-汤普森、特雷蒙格连、伊戈达拉、利文斯顿和巴博萨都系总决赛以来球队嘅主要战力，若然勇士最终成功卫冕，呢几位人兄嘅表现都有机会同斯蒂芬库里争总决赛MVP，相信佢哋喺最后一战会表现出最佳状态；最令人担心嘅系，博格特第五仗时身受重伤必须缺战很长一段时间，佢嘅缺阵令勇士内线畀骑士打到穿晒窿；至于还有一名不得不提嘅球员就系首发前锋哈里森·巴恩斯，睇咗佢近几场嘅表现，感觉佢就系球队嘅短板，攻防两端表现都系不合格，如今合同就嚟到期，如果哈里森·巴恩斯想攞大合同嘅话，下一仗系佢今年最后机会。

    主角表现预测

     讲到总决赛嘅角色，詹姆斯系呢个剧本毫无争议嘅男一号，虽然球队状态起起伏伏，但系佢仍然保持最顶尖表现，6场总决赛佢场均贡献30.1分、11.3个篮板外加8次助攻，根本无得弹，尤其系近2场连续拿到41分，以前一直被人诟病佢通常会喺球队最危急关头变身“隐形侠”，如今基本完全洗脱罪名，相信詹姆斯下一场会继续有神勇表现。

     至于勇士方面，斯蒂芬库里系当仁不让嘅领袖，个人表现对球队影响无需作过多吹捧。虽然佢不能喺过去两场用“变态准”嘅三分球拯救球队，但系有一个细节要令骑士敲响警钟，斯蒂芬库里喺上一场必键时刻六犯离场，不单止此，佢仲畀裁判判咗两个技术犯规，试问佢嘅内心会系点念？总决赛复仇志在必行，我哋同样有理由相信斯蒂芬库里下一场会攞出比以往更令球迷惊讶嘅表现。

    最终赛果预测

     值得一提嘅系，两队前六场比赛总比分打成610平手，真系要再次佩服NBA嘅“精打细算”。不过奇怪嘅系，前6场比赛双方无一场分差系10分以内，可以话大家喺度互炒对方。既然NBA安排咗咁紧张刺激嘅剧情，最后一场好大机会出现绝杀。虽然骑士连扳两场气势上压倒咗勇士，不过拥有主场优势嘅勇士依然会更畀人睇好成为笑到最后嘅一方。

[投注竞彩篮球]  [参与竞篮合买]  [没账户？马上注册] 分享到：